વઘઇ તાલુકાના ડુંગરડા-ભેંસકાત્રી રોડને જોડતા ખાપરી અને પૂર્ણા રિવર બ્રિજ વધુ ૬૦ દિવસો માટે ભારે વાહનો માટે બંધ કરાયો
વઘઇ તાલુકાના ડુંગરડા-ભેંસકાત્રી રોડને જોડતા ખાપરી અને પૂર્ણા રિવર બ્રિજ વધુ ૬૦ દિવસો માટે ભારે વાહનો માટે બંધ કરાયો
સરદાર ન્યૂઝ:- ચિરાગ પંચાલ-ડાંગ
વઘઇ તાલુકાના ડુંગરડા-ભેંસકાત્રી રોડ ઉપર આવતી ખાપરી અને પૂર્ણા નદી ઉપરનો બ્રિજ જર્જરીત હાલતમાં હોવાથી ૧ વર્ષ માટે ભારે વાહનો માટે બંધ કરવાના મળેલા અભિપ્રાય અનુસાર, આ બ્રિજખ વધુ ૬૦ દિવસ માટે બંધ કરાયો છે.
ડાંગ જિલ્લા પંચાયતના માર્ગ અને મકાન વિભાગ દ્વારા બ્રિજની સ્ટેબિલિટી ચેક કરતા બ્રિજ ક્રિટીકલ કન્ડીશનમા જણાતા આ બ્રિજ ૧૦ મેટ્રિક ટનથી વધુનાખ ભારે વાહનો માટે બંધ કરવામા આવ્યો છે. આ અંગેના જારી કરાયેલા એક જાહેરનામા અનુસાર, હાલ સદર બ્રિજ રીપેરીંગ માટેની કામગીરી પ્રક્રિયા હેઠળ છે.
ભારે વાહનો માટે બ્રિજ બંધ કરાતા વઘઇ–પીંપરી-કાલીબેલ-ભેસકાત્રી રોડનો વૈકલ્પિક માર્ગ તરીકે ઉપયોગ કરવા જણાવાયુ છે.
આ બાબતે ફોજદારી કાર્યરીતી અધિનિયમ-૧૯૭૩ની કલમ-૧૪૪ મુજબ ડાંગ જિલ્લા મેજીસ્ટ્રેટ શ્રી બી. બી. ચૌધરી દ્વારા જાહેરનામુ બહાર પાડવામા આવ્યુ છે.ક
આ જાહેરનામાનો ભંગ કરનારને ભારતીય દંડ સંહિતા, ૧૮૬૦ ની કલમ-૧૮૮ મુજબ નાયબ પોલીસ અધિક્ષક થી હેડ કોન્સ્ટેબલ સુધીના પોલીસ અધિકારી કર્મચારીઓ દ્વારા દંડ અને સજા કરવામા આવશે. એક
આ જાહેરનામુ તા.૨ એપ્રિલથી ૩૧ મે ૨૦૨૪ સુધી અમલમા રહેશે.
Comments
Post a Comment