ડાંગ જિલ્લાની MCMC અને મીડિયા સેન્ટરની મુલાકાત લેતા આહવા દિપદર્શન સ્કૂલના વિદ્યાર્થીઓ
અવસર લોકશાહીના મહાપર્વનો
ડાંગ જિલ્લાની MCMC અને મીડિયા સેન્ટરની મુલાકાત લેતા આહવા દિપદર્શન સ્કૂલના વિદ્યાર્થીઓ
ડાંગ જિલ્લા માહિતી કચેરી, આહવા ખાતે MCMC તથા મીડિયા સેન્ટર જિલ્લા ચૂંટણી તંત્ર દ્વારા કાર્યરત કરવામા આવ્યુ છે.
ડાંગ જિલ્લાના મીડિયાકર્મીઓ, મતદાતાઓ, વિદ્યાર્થીઓ, તથા અભ્યાસુઓ આ મિડિયા સેન્ટરની મુલાકાત લઇ ચૂંટણીલક્ષી માહિતી પ્રાપ્ત કરી રહ્યા છે.
તાજેતરમા ડાંગ જિલ્લાના મુખ્ય મથક આહવા સ્થિત દિપદર્શન સ્કૂલના વિદ્યાર્થીઓએ આ સેન્ટરની મુલાકાત લઇ ચૂંટણીલક્ષી માહિતી મેળવી હતી.
માહિતી મદદનીશ શ્રી ઉમેશ ગાવિત દ્વારા વિદ્યાર્થીઓને અહીં પ્રસ્તુત કરાયેલી ચૂંટણીલક્ષી કામગીરીની વિસ્તૃત જાણકારી આપવામા આવી હતી. ઉલ્લેખનિય છે કે, મીડિયા સેન્ટરમા જિલ્લાની ચૂંટણી પ્રક્રિયા સાથે સંકળાયેલા અધિકારીઓની વિગતો, જિલ્લાના મતદારો અને મતદાન મથકોની સંખ્યા, ઇ.વી.એમ/વી.વી.પેટ અને મેન પાવર, અગાઉની ચૂંટણીઓના પરિણામો, ચેકપોસ્ટ, કાર્યરત ટિમો, સ્વીપની પ્રવૃત્તિઓ, અવસર અને સી વિજીલ એપ, ચૂંટણી કાર્યક્રમ, મતદાર વિસ્તારનો મેપ, નોડલ ઓફિસરોની વિગતો, થીમ આધારિત મતદાન મથકોની માહિતી ડિસ્પ્લે કરવામા આવી છે.
મુલાકાત વેળાએ દિપદર્શન શાળાના પ્રિન્સિપાલ સિસ્ટર સુહાસિની પરમાર, શિક્ષકો શ્રી પ્રકાશભાઇ, શ્રીમતી વિજ્યાબેન સહિત માહિતી વિભાગની ટિમ, તથા MCMC ના ડ્યુટી ઓફિસરોએ ઉપસ્થિત રહી તેમની ભૂમિકા નિભાવી હતી.
Comments
Post a Comment