સુરત-મહિલા માલિક સ્પાના આડમાં કરાવતી દેહવેપારનો ધંધો, દરોડા પાડ્યા તો ગ્રાહક અને યુવતી મળી આવ્યા કઢંગી હાલતમાં કે…

સુરતઃ સુરત શહેરના પીપલોદમાં આવેલા વિમલહબ કોમ્પેલક્ષના ધ સાઈન સ્પામાં પોલીસે કૂટણખાનું ઝડપી પાડ્યું હતું. પોલીસની રેડ દરમિયાન એક ગ્રાહક અને યુવતી કઢંગી હાલતમાં ઝડપાયા હતા. આ સાથે સ્પાના સંચાલક અને એક ગ્રાહકની ધરપકડ કરવામાં આવી છે. જ્યારે સ્પાની માલિક મહિલાને વોન્ટેડ જાહેર કરવામાં આવી છે. પોલીસને થાઈલેન્ડની 6 યુવતીઓને મુક્ત કરવામાં સફળતા મળી છે. અત્રે ઉલ્લેખનિય છે કે, સ્પામાં ગ્રાહકો પાસેથી 3000 રૂપિયા લેવામાં આવતા અને તેમાંથી માત્ર 1000 રૂપિયા યુવતીઓને આપવામાં આવતા હતા.

પોલીસને બાતમી મળી હતી કે, પીપલોદમાં આવેલા વિમલહબ કોમ્પેલક્ષના ધ સાઈન સ્પાની માલિક જ્યોતી સુંદરલાલ દાસે સ્પા સંચાલક રાખી સ્પા અને મસાજ માટે કુલ 6 થાઇલેન્ડ દેશની યુવતીઓ રાખી સ્પાના આડમાં દેહ વેપારનો વેપાર ધંધો કરાવતી હતી. થાઈલેન્ડની યુવતીઓ પાસે પોતાના આર્થિક ફાયદા માટે દેહવેપારનો ધંધો કરાવી કમિશન મેળવી તેમજ આ કામ માટે સંચાલક તરીકે યોગેશ રાણાભાઇ ડાંગરને નોકરીએ રાખ્યો હતો.

એક બોગસ ગ્રાહક મોકલી વોચ ગોઠવી હતી. દરમિયાન ગ્રાહકે ઈશારો કરતા પોલીસ રેડ કરી હતી. જેમાં સ્પામાં ચાર જેટલી કેબિનો મળી આવી હતી. એક કેબિનમાં બોગસ ગ્રાહક અને એક યુવતી મળ્યા હતા. અન્ય એક કેબિનમાં ગ્રાહક અને યુવતી કઢંગી હાલતમાં મળી આવ્યા હતા. જ્યારે અન્ય એક કેબિનમાં ત્ચાર યુવતીઓ મળી આવી હતી. યુવતીઓની પૂછપરછ કરતા તમામ થાઈલેન્ડની હોવાનું સામે આવ્યું હતું. ત્યારબાદ ગ્રાહક અને સ્પાનો સંચાલક યોગેશ રાણાભાઇ ડાંગરની ધરપકડ કરવામાં આવી હતી. જ્યારે સ્પાની માલિક જ્યોતી સુંદરલાલ દાસને વોન્ટેડ જાહેર કરવામાં આવી છે.

પોલીસે આરોપીઓ અને સ્પામાંથી કુલ મોબાઇલ નંગ-4 જેની કુલ કિંમત રૂપિયા 58000, કુલ રોકડા રૂપિયા 13600, નાના મોટા ચોપડા નંગ-03 અને નાની ડાયરી નંગ-01 મળી કુલ્લે રૂપિયા 71600નો મુદ્દામાલ કબજે કર્યો હતો. સ્પામાંથી મળી આવેલ 06 થાઇલેન્ડ મહિલાઓને મુકત કરવામાં આવી હતી. સ્પાની માલિક જ્યોતી સુંદરલાલ દાસ હાજર મળી આવેલ ન હોય તેણીને વોન્ટેડ જાહેર કરી છે.